Bu gün Azərbaycan Respublikası Xüsusi Dövlət Mühafizə Xidmətinin sabiq rəisi general-polkovnik Vaqif Axundovun doğum günüdür.
Vaqif Axundov 1950-ci ildə sentyabrın 16-sı Astara şəhərində anadan olub.
O, 1968-1972-ci illərdə Azərbaycan Neft və Kimya İnstitutunda, 1989-1994-cü illərdə Bakı Dövlət Universitetində, 1999-2002-ci illərdə isə Azərbaycan Respublikasının Prezidenti yanında Dövlət İdarəçilik Akademiyasında təhsil alıb. İxtisasca iqtisadçı-mühəndis, hüquqşünasdır.
O, 2003-2020-ci illərdə Azərbaycan Respublikası Xüsusi Dövlət Mühafizə Xidmətinin rəisi vəzifəsində çalışıb.
V.Axundov Azərbaycan SSR Ali Sovetinin Rəyasət Heyətinin Fəxri Fərmanı, “Azərbaycan Bayrağı” ordeni və bir çox medallarla təltif olunub. 2018-ci ildə Azərbaycan Respublikası Prezidentinin Sərəncamı ilə “Vətənə xidmətə görə” 1-ci dərəcəli ordeni ilə təltif edilib.
Ailəlidir, 1 övladı var.
