Birinci Qarabağ müharibəsində itkin düşdüyü hesab edilən və şəxsiyyəti müəyyənləşdirilən şəhid Rüstəmov Tərlan Kamal oğlu dəfn edilib.
"Report” xəbər verir ki, şəhidin yaxınlarına məxsus evdə keçirilən vida mərasimindən sonra onun nəşi Lökbatan qəsəbəsindəki Şəhidlər Xiyabanında torpağa tapşırılıb.
Qeyd edək ki, T.Rüstəmov 20 mart 1974-cü ildə Lerik rayonunun Şivlə kəndində anadan olub. O, 20 sentyabr 1992-ci ildə Ağdam rayonunun Sırxavənd kəndində itkin düşüb. Şəhidin nəşinin qalıqları həmin kənddə aşkar olunub.
