Bu gün Biləsuvardan olan şəhid Azər Məmmədovun dünyaya göz açdığı gündür.
Məmmədov Azər Sulduz oğlu 1990-cı ildə yanvarın 9-u Biləsuvar şəhərində anadan olub. O, 1997-2008-ci illərdə Ə.Eynullayev adına Biləsuvar şəhər 4 nömrəli tam orta məktəbində təhsil alıb.
Azərbaycan Respublikası Daxili İşlər Nazirliyinin Daxili Qoşunlarının MAHHXHQ olan Azər 2023-cü il sentyabrın 20-si həyata keçirilmiş uğurlu lokal antiterror tədbirləri zamanı şəhidlik zirvəsinə ucalıb.
2023-cü il sentyabrın 21-i Biləsuvar şəhər qəbiristanlığında torpağa tapşırılıb.
Ölümündən sonra 3-cü dərəcəli “Vətənə xidmətə görə” ordeni və "Vətən uğrunda" medalı ilə təltif edilib.
Ailəli olub. 2 uşağı dövlətimizə əmanət qalıb.
