Biləsuvarda ölən uşaqla bağlı cinayət işi başlanılıb, ibtidai istintaq aparılır.
Cenublu.az xəbər verir ki, ayağında olan problemə görə sınıqçı-masajçıya aparılan 2 yaşlı Nəzrin Qubadlının ölümü ilə bağlı Biləsuvar Məhkəməsi işə baxıb. Məhkəmədə iddiaçı qismində Qubadovlar ailəsinin üzvləri dinlənilib. Məhkəmənin qərarına əsasən sınıqçı Nərgiz İmanova barəsində 2 aylıq ev dustaqlığı elan edilib.
Qubadovlar bu qərardan narazı qaldıqlarından növbəti məhkəmə instansiyasına müraciət etdiklərini bildiriblər.
Qeyd edək ki, Qubadovlar ailəsi Nəzrinin ayağında yaranan problemlə bağlı 60 yaşlı sınıqçı-masajçı Nərgiz İmanovaya müraciət edib və prosedur zamanı uşaq həyatını itirib.
Xatırladaq ki, daha öncə azyaşlının masaj zamanı ölümü faktı ilə bağlı cinayət işinin açılması barədə məlumat vermişdik.
