Biləsuvarda “Gəncliyimizi narkomaniyadan və erkən nikahlardan qoruyaq!” devizi altında tədbir baş tutub.
Cenublu.az xəbər verir ki, görüş Biləsuvar Rayon Polis Şöbəsinin təşkilatçılığı ilə rayonun Bəydili kənd tam orta məktəbində keçirilib. Çıxış edən Biləsuvar RPŞ-nin rəisi, polis polkovniki Nəsib Məmmədov narkomaniyanın və erkən nikahların səbəb olduğu ağır nəticələrdən danışıb və bu neqativ halların cəmiyyətimizin sağlam gələcəyi üçün yarada biləcəyi təhlükələrdən söz açıb.
Görüşdə həmçinin ali təhsil müəssisələrinə hazırlaşan, daxili işlər orqanlarında xidmət etmək istəyən abituriyentlərə DİN-in Polis Akademiyasına kursant qəbulu qaydaları ilə bağlı ətraflı məlumat verilib.
