Bu gün Biləsuvar rayonunda masaj edilərkən ölən iki yaşlı Nəzrinin atası Emin Qubadlı danışıb.
Shownews məlumat verir ki, E.Qubadlı uşağı axsadığına görə sınıq və ya çıxığın olduğunu düşünüb xəstəxanaya apardıqlarını bildirib.
“Rentgen müayinəsindən sonra bildirildi ki, belə bir problem yoxdur, damar dolaşması uşaqda narahatlıq yaradıb. Bundan sonra masaja görə Nərgiz İmanovanın yanına apardım və o, uşağı sağaldacağını boynuna götürdü. İkinci gün masaj zamanı uşaq ağrıdan şok keçirərək öldü”.
Məsələ ilə bağlı Tibbi ərazi Bölmələrinin İdarəetmə Birliyindən bildirilib ki, uşaqla bağlı Biləsuvar Mərkəzi Xəstəxanasına hər hansı müraciət daxil olmayıb.
Baş Prokurorluqdan isə hadisə ilə bağlı araşdırma aparıldığı qeyd olunub.
11:17
Biləsuvar rayonunda azyaşlının ölümü ilə nəticələnən bədbəxt hadisə baş verib.
Oxu.az xəbər verir ki, masajçı (sınıqçı) N.İmanova 2 yaşlı uşağın sümüklərini masaj edərkən azyaşlı ölüb.
Faktla bağlı araşdırma aparılır.
