Biləsuvarda rayonda inşa olunacaq Günəş Elektrik Stansiyasının (GES) tikintisinə hazırlıq, mövcud vəziyyətin qiymətləndirilməsi və görüləcək işlərlə bağlı görüş baş tutub.
Cenublu.az Biləsuvar Rayon İcra Hakimiyyətinə (RİH) istinadən xəbər verir ki, RİH-ndə təşkil olunan görüşdə Birləşmiş Ərəb Əmirliklərinin “Masdar” şirkətinin və onun tərəfdaş şirkəti olan “SOCAR Green”in mütəxəssisləri iştirak ediblər.
Qeyd edək ki, Azərbaycan dövləti ilə Birləşmiş Ərəb Əmirliklərinin “Masdar” şirkəti arasında aparılan danışıqların yekunu olaraq, Biləsuvarda 445 MVt gücündə Günəş Elektrik Stansiyasının tikintisi qərara alınıb və bu məqsədlə Biləsuvar rayonunun inzibati ərazisində, dövlət mülkiyyətində olan 1454,0 hektar torpaq sahəsi ayrılıb.
