Ekologiya və Təbii Sərvətlər Nazirliyi (ETNS) bir sıra bələdiyyə sədrini cərimələyib.
İqtisadiyyat.az məlumat verir ki, ETNS Biləsuvar bələdiyyəsinin sədri İlqar Abasov, rayonun Yuxarı Ağalı bələdiyyəsinin sədri Ehtibar Əcəmov, Əsgərabad bələdiyyəsinin sədri Mirəşrəf Mirsultanov, Aşağı Cürəli Muğan bələdiyyəsinin sədri Zahid Şirinov, Yuxarı Cürəli bələdiyyəsinin sədri Rövşən Nuriyev və Səmədabad bələdiyyəsinin sədri Əliislam Orucov barəsində İnzibati Xətalar Məcəlləsinin 253-1.1.3-cü maddəsinə əsasən cərimə protokolu tərtib edib.
Daha sonra protokollar baxılması üçün rayon məhkəməsinə göndərilib.
Protokol tərtib olunan maddədə deyilir ki, yaşıllıqların uçotu və monitorinqi haqqında məlumatların müvafiq icra hakimiyyəti orqanına təqdim edilməməsinə görə vəzifəli şəxslər min manat miqdarında, hüquqi şəxslər üç min manat miqdarında cərimə edilir.
