Biləsuvar və Cəlilabad rayonlarının bəzi kəndlərində yararsız hala düşmüş elektrik xətləri dəyişdiriləcək. Bu haqda məlumatı Cenublu.az bu gün, 9 iyul tarixində Report.az-a istinadən verir.
Müvafiq qurumlar bu istiqamətdə artıq hazırlıqlara başlayıb.
Belə ki, Biləsuvar rayonunun Ağalıkənd, Yuxarı Cürəli, Cəlilabad rayonunun Ləkin kəndləri ərazisində 10 kV-luq hava xətləri yenilənəcək. Eləcə də 0,4 kV-luq elektrik şəbəkəsi yeni xətlərlə yenidən qurulacaq.
Qeyd edək ki, sözügedən yaşayış məntəqələrini elektrik enerjisi ilə təmin edən naqillər uzun illər yenilənməyib. Buna görə də güclü külək və digər təbiət hadisələri zamanı xətlərdə qırılmalar baş verir.
