“Azersun Holding" MMC Biləsuvarda vakansiya elan edib.
Cenublu.az “Azersun Holding” MMC-yə istinadən xəbər verir ki, qida istehsalı, pərakəndə satış və kənd təsərrüfatı sahəsində fəaliyyət göstərən şirkət İnsan Resursları üzrə mütəxəssis vakansiyası üçün son tarixi 4 noyabr seçib.
Şirkətin namizədə aid tələbləri bunlardır:
- Ali təhsil;
- Müvafiq sahə üzrə 2 il iş təcrübəsi;
- Microsoft Excel ilə yüksək səviyyədə işləmə bacarığı;
- Azərbaycan dili – sərbəst; rus və ya ingilis dilləri üstünlük hesab edilir;
- Məsuliyyətlilik və hesabatlılıq;
- Analitik düşünmə və qərarvermə qabiliyyəti;
- Ünsiyyətcil və kollektivdə işləmə bacarığı.
Vəzifə öhdəlikləri:
- Əmək qanunvericiliyinə, əsasnamə və təlimatlara əsasən, müəssisə, idarə və təşkilatlarda işçilərin işə qəbulu, işdən çıxarılması, bir iş yerindən başqasına keçirilməsi, vəzifəsinin böyüdülməsi, mükafatlandırılması, kadrların ixtisasının artırılması, məzuniyyətin verilməsi və s. işləri yerinə yetirir.
- İşçilərin şəxsi işlərini aparır, formalaşdırır. İşçi heyəti üzrə perspektiv planları işləyib hazırlayır.
- Kadrların seçilməsi və düzgün yerləşdirilməsi, fəhlələrin, rəhbər işçilərin və qulluqçuların ixtisasının artırılması, tələbə və şagirdlərə istehsalat təcrübəsinin öyrədilməsi işinin təşkilinə dair təkliflər hazırlayır.
- Müəssisə, idarə və təşkilatların kadrlara olan tələbatı haqqında lazımi yerlərə məlumat verir.
- Kadr axının səbəblərini öyrənir, onun aradan qaldırılması üçün tədbirlər hazırlayır və rəhbərliyə təqdim edir.
- İxtisas və attestasiya komissiyalarına lazım olan materialları hazırlayır, attestasiya komissiyasının işində bilavasitə iştirak edir.
- İşçilərə məzuniyyətlərin verilməsinin uçotunu aparır, məzuniyyətdən vaxtında tərtib edilmiş qrafik üzrə istifadə edilməsinə nəzarət edir.
- Şəxsi işlərin arxivini aparır, vaxtı keçmiş işlərin dövlət arxivinə verilməsini təşkil edir.
- Kadrlar üzrə hesabatların tərtib və tələb olunan yerə vaxtında təqdim edilməsinə rəhbərlik edir.
- Müəssisə, idarə və təşkilatlarda verilmiş əmr və göstərişlərin layihələrinin yuxarı təşkilatın göstərişlərinə uyğun olub-olmadığını yoxlayır.
- İcrası tələb olunan tapşırıqlar üzrə nəzarəti həyata keçirir. Onların yerinə yetirilməməsi səbəblərini araşdırır və lazımi tədbirlər görür.
Şirkət tələblərə cavab verdiyi təqdirdə həmin şəxslərin CV-lərini
[email protected] elektron poçtuna göndərmələri və email-in mövzu hissəsində
“İnsan resursları üzrə mütəxəssis (Biləsuvar)” ifadəsini qeyd etmələrini xahiş edir.
Qeyd edək ki, iş qrafiki həftə içi 5 gün olmaqla saat 09:00-dan 18:00-a kimidir.
