Cənub rayonlarının bəzilərində zənglərin həyata keçməsində və internet xidmətindən istifadə zamanı müvəqqəti çətinliklərin yaranması mümkün ola bilər.
Cenublu.az Azərbaycan qəzetinə istinadən xəbər verir ki, "Azercell Telekom" MMC tərəfindən göstərilən xidmətlərin keyfiyyətinin daha da artırılması məqsədilə təkmilləşdirmə işləri aparılacaq. Buna görə də, Cəlilabad, Biləsuvar rayonlarının inzibati ərazisində 15 oktyabr tarixində gecə saatları ərzində zənglərin həyata keçməsində və internet xidmətindən istifadə zamanı müvəqqəti çətinliklərin yaranması mümkündür.
Qeyd edilib ki, təkmilləşdirmə işləri yekunlaşdıqdan sonra bu istiqamətdə tam normal əsaslarla fəaliyyət göstərilməsi imkanı təmin ediləcəkdir.
