Bu gün Azərbaycanın müstəqilliyini bərpa etməsindən 33 il keçir.
Azərbaycan Respublikasının Ali Sovetinin 1991-ci ildə oktyabrın 18-də keçirilən sessiyasında “Azərbaycan Respublikasının Dövlət müstəqilliyi haqqında” Konstitusiya Aktı qəbul edilib. 1992-ci ildən Azərbaycan xalqı bu tarixi bayram kimi qeyd edir.
1992-ci ilin may ayında Milli Məclis tərəfindən Azərbaycan Respublikasının Dövlət Himni, az sonra üçrəngli Bayraq, daha sonra isə Dövlət Gerbi təsdiq edilib.
1992-ci ildən 18 oktyabr Azərbaycanda Dövlət Müstəqilliyi Günü kimi bayram edilib.
Milli Məclisin 2021-ci il oktyabrın 15-də qəbul etdiyi “Müstəqillik Günü haqqında” qanuna əsasən, mayın 28-i Müstəqillik Günü, oktyabrın 18-i isə Müstəqilliyin Bərpası Günü elan edilib.
