Atasının avtomobillə xəsarət yetirdiyi azyaşlı Bakıda özəl tibb müəssisəsinə təxliyə olunub.
Tibbi Ərazi Bölmələrinin İdarəetmə Birliyindən (TƏBİB) Cenublu.az-a verilən məlumata görə, 15.09.2024-cü il tarixində saat 15:00 radələrində yaşadığı evin həyətində xəsarət alması səbəbi ilə 2018-ci il təvəlüdlü (kişi cinsli) azyaşlı Biləsuvar Rayon Mərkəzi Xəstəxanasına təcili tibbi yardım avtomobili vasitəsilə hospitalizasiya olunub.
Ona ağır-qapalı kəllə beyin travması diaqnozu qoyulub. Azyaşlıya zəruri tibbi yardım göstərildikdən sonra yaxınlarının istəyi ilə Bakı şəhərindəki özəl tibb müəssisələrinin birinə təxliyə olunub.
Xatırladaq ki, ötən gün Biləsuvar rayonunda ata avtomobili ilə övladına xəsarət yetirib. Hadisə nəticəsində 6 yaşlı K.Yəhyayev ağır xəsarətlər alıb. Uşaq Biləsuvar Rayon Mərkəzi Xəstəxanasının reanimasiya şöbəsinə yerləşdirilib.
