Astarada “Torpağı Vətən edən şəhidlər əbədi qəlblərdə yaşayırlar” mövzusunda sərgi-tədbir keçirilib.
Cenublu.az Heydər Əliyev Mərkəzinə istinadən xəbər verir ki, tədbir Vətən müharibəsi şəhidləri İlkin Kazimov, Elkiyar Məmmədov və Əli Cəfərovun doğum günlərinə həsr olunub.Sərgidə geniş məruzə ilə cıxış edən mərkəzin direktoru Kübra Səmədova, şəhidlərimizin həyatı və hərbi xidmətdə keçdiyi şərəfli yol barədə məlumat verib. Mövzu ətrafında Vətən müharibəsi şəhidi Əli Feyziyevin anası Rəfayət Feyziyeva, Astara Dövlət Rəsm Qaleriyasının direktoru Naibə Mustafayeva, dərnək üzvü Məmmədov Ramin, Astara “Gənclər Evi” Sosial Xidmət müəssisəsinin fəal gəncləri Rüstəm Sərhənçov, Əli Məmmədov və Astara rayon Heydər Əliyev Mərkəzinin əməkdaşı Aygün Rufullayeva cıxış ediblər.
Sonda mərkəzin və Astara Dövlət Rəsm Qaleriyasının birgə təşkilatçılığı ilə “Rəssamlıq” dərnəyinin üzvlərinin əl işlərindən təşkil olunmuş sərgi iştirakçılara təqdim edilib.
Qeyd edək ki, tədbir Astara rayon Heydər Əliyev Mərkəzində keçirilib.
