Bu gün Birinci Qarabağ müharibəsinin şəhidi Məhərrəm Bürcəli oğlu Abiyevin doğum günüdür.
Məhərrəm Abiyev 1973-cü ildə fevralın 5-i Astara rayonunun Vaqo kəndində anadan olub. 1991-ci ilin noyabrında ordu sıralarına çağırılıb. Altı aya qədər təlim məşqlərdə olub. Sonra isə döyüş bölgələrinə göndərilib. Ağdərə, Beyləqan, Ağdam, Füzuli və bir çox yaşayış məntəqəsinin müdafiəsində və düşməndən təmizlənməsində igidliklə döyüşüb. 11 dekabr 1993-cü ildə Məhərrəm Abiyev qəhrəmancasına şəhidlik zirvəsinə ucalıb.
Oxuduğu Astara rayonunun Vaqo kənd tam orta məktəbinə onun adı verilib.
