Bu gün Vətən müharibəsi şəhidi Elnur Əbdülovun doğum günüdür.
Əbdülov Elnur Qədir oğlu 2002-ci ildə aprelin 23-ü Astara rayonunun Sipiyəpart kəndində anadan olub. Orta təhsilini bitirəndən sonra, 2020-ci ilin aprel ayında həqiqi hərbi xidmətə çağırılıb.
E.Əbdülov Vətən müharibəsi zamanı Murovdağ istiqamətində gedən döyüşlərdə savaşaraq şəhidlik zirvəsinə ucalıb. Onun nəşi 2 oktyabr tarixində Sipiyəpart kəndində torpağa tapşırılıb.
Ölümündən sonra “Vətən uğrunda”, “Cəsur döyüşçü”, “Kəlbəcərin azad olunmasına görə” medalları ilə təltif edilib.
