Astara rayonunda şəhidlərin doğum günlərinə həsr olunmuş tədbir təşkil olunub.
Cenublu.az Astara Dövlət Rəsm Qalereyasına istinadən xəbər verir ki, “Vətən torpağı şəhidləri ilə ucalır” adlı tədbir şəhid Nihad Əhmədov, Pərvin Salmanzadə və Arif Qeybiyevin doğum günlərinə həsr edilib.
Mərasimdə Astara Dövlət Rəsm Qalereyasının, Tarix-Diyarşünaslıq Muzeyinin və Mərkəzləşdirilmiş Kitabxana Sisteminin əməkdaşları mövzu ətrafında çıxış ediblər. Çıxışlarda Azərbaycanın şanlı ordusunun və “Qarabağ Azərbaycandır!” şüarının əhəmiyyəti vurğulanıb.
Tədbir iştirakçıları sonda “Rəssamlıq” dərnəyinin sərgisinə baxış keçiriblər.
