Astara rayon Heydər Əliyev Mərkəzində Lənkəran-Astara Regional Gənclər və İdman idarəsinin Astara rayonu üzrə sektoru, Mərkəzi Kitabxana, Astara Dövlət Rəsm Qaleriyası əməkdaşlarının və rəssamlıq dərnəyi şagirdlərinin iştirakı ilə “Uşaqların zərərli informasiyadan qorunması” mövzusunda tədbir keçirilib. Bu haqda məlumatı Cenublu.az bu gün, 20 iyul tarixində verir.
Tədbirdə qeyd olunub ki, Azərbaycanda uşaqların əldə etməsi qanunla məhdudlaşdırılan informasiyaların növləri müəyyənləşib. Bu, yeni qəbul edilən “Uşaqların zərərli informasiyalardan qorunması haqqında” Qanuna əsasən ediləcək. 2020-ci ildən qüvvəyə minən qanun uşaqların onlar üçün zərərli informasiyadan qorunması tədbirlərini müəyyən edir və bu sahədə yaranan münasibətləri tənzimləyir.
Sonra “Uşaqlar və zərərli informasiya” mövzusunda film nümayiş olunub.
Tədbir şagirdlərin mövzu ilə bağlı suallarının cavablandırılması ilə davam edib.
Yekunda tədbir iştirakçıları rəssamlıq dərnəyi şagirdlərinin əl işlərindən və mərkəzin fondunda, elektron kitabxanasında saxlanılan kitablardan təşkil olunmuş sərgiyə baxış keçiriblər.
