Astarada əvvəllər 5 dəfə məhkum olunmuş silahlı şəxs polislər tərəfindən tutulub. Bu haqda məlumatı Cenublu.az bu gün, 10 iyul tarixində verir.
Astara rayon sakini, 46 yaşlı Qurban Ağayevin qeydiyyatda olduğu evdə gizlənməsi, mənzilində və üzərində odlu silah, döyüş sursatı olması ilə bağlı polisə məlumat daxil olub.
Astara RPŞ əməkdaşlarının keçirdikləri əməliyyat tədbirləri nəticəsində saxlanılan Q.Ağayevin üzərindən "SUR M9" markalı tapança, həmin silaha aid 7 ədəd patron, qeydiyyatda olduğu ünvandan isə ümumilikdə 340 qram metamfetamin və marixuana, 100 ədəd metadon həbi, 1 ədəd qanunsuz saxlanılan ov tüfəngi, həmin silaha aid 8 ədəd patron, əlavə olaraq içərisində 7 ədəd patron olan tapança darağı aşkarlanaraq müsadirə edilib.
Q.Ağayev barəsində həbs qətimkan tədbiri seçilib.
Faktla bağlı araşdırma aparılır.
