Astara sahillərində Xəzər dənizinin suyu sürətlə geri çəkilir.
Cenublu.az xəbər verir ki, hazırda park-bulvar kompleksi ilə dəniz arasındakı məsafə 100–150 metrə çatıb. Bu proses sahil xəttinin dəyişməsinə və ekoloji təsirlərə səbəb ola bilər.
Xəzər dənizində son yüzillikdə ən aşağı səviyyə 29 metr olmaqla 1977-ci ildə, maksimal səviyyə isə 26 metr olmaqla 1995-ci ildə müşahidə edilib. 1995-ci ildən bu günə qədər Xəzər dənizinin səviyyəsinin düşməsi davam edir.
Mütəxəssislər mövcud vəziyyətin Xəzərin dib relyefinin seysmikliyi ilə bağlı olduğunu bildirirlər. Belə ki, müxtəlif illərdə müşahidə olunan kəskin su azalması sonradan dəniz səviyyəsinin yüksəlməsi ilə əvəzlənib.
Qeyd edək ki, dəniz suyunun geri çəkilməsi həyətyanı sahələrdə olan quyulara da öz təsirini göstərir: quyularda su azalır.
