Astara rayon Heydər Əliyev Mərkəzində “Şəhidlərimiz ən ali qürur mənbəyimizdir” mövzusunda tədbir keçirilib. Bu haqda məlumatı Cenublu.az bu gün, 18 iyul tarixində verir.
Astara rayon Heydər Əliyev Mərkəzində Lənkəran–Astara Regional Gənclər və İdman idarəsinin Astara rayonu üzrə sektoru, Astara rayon Mərkəzləşdirilmiş Kitabxana Sistemi, Astara rayon Dövlət Rəsm Qalereyası əməkdaşlarının və “Rəssamlıq” dərnəyi şagirdlərinin iştirakı ilə birinci Qarabağ müharibəsi şəhidi Babayev Aqil Sultanəli oğlunun və 19 sentyabr 2023-cü ildə düşmən təxribatının qarşısını almaq məqsədilə həyata keçirilən antiterror tədbirləri zamanı şəhid olan leytenant Babazadə Əli Rüstəm oğlunun doğum günü ilə əlaqədar sərgi və tədbir keçirilib.
Tədbirdə geniş məruzə ilə şəhidlərimizin həyatı və hərbi xidmətləri haqqında məlumat verilib və videoçarxlar nümayiş olunub.
Yekunda tədbir iştirakçıları “Rəssamlıq” dərnəyinin şagirdlərinin əl işlərindən və Mərkəzin fondunda,“Elektron kitabxana”sında saxlanılan kitablardan təşkil olunmuş sərgiyə baxış keçiriblər.
