Astara rayon Heydər Əliyev Mərkəzində “Vətən torpağı şəhidləri ilə ucalır” mövzusunda sərgi və tədbir təşkil olunub.
Cenublu.az Astara Heydər Əliyev Mərkəzinə istinadən xəbər verir ki, tədbir şəhidlər Əhmədov Nihad Fuad oğlu, Salmanzadə Pərvin Təbriz oğlu və Qeybiyev Arif İsmayıl oğlunun doğum günlərinə həsr olunub. Burada rayon tarix-diyarşünaslıqlıq muzeyinin, rayon Mərkəzləşdirilmiş kitabxana sisteminin, Dövlət Rəsm Qaleriyasının əməkdaşları, dərnək üzvləri və şəhid ailələri iştirak ediblər.
Tədbirdə mərkəzin direktoru Kübra Səmədova geniş məruzə ilə cıxış edib. Daha sonra mərkəzin baş fond mühafizi Elza Kazımova geniş məruzə ilə şəhidlərimizin həyatı və hərbi xidmətləri haqqında məlumat verib və fotoşəkillər nümayiş olunub.
Sonda mərkəzin və Dövlət Rəsm Qaleriyasının birgə təşkilatçılığı ilə “Rəssamlıq” dərnəyinin üzvlərinin əl işlərindən təşkil olunmuş sərgi həyata keçirilib.
