Astarada icra başçısı Qəzənfər Ağayev Pəlikəş kənd inzibati ərazi dairəsi üzrə nümayəndəliyinin Sipiyəpart kəndində əhali ilə görüşüb.
Cenublu.az Astarada Rayon İcra Hakimiyyətinə istinadən xəbər verir ki, görüşdə rayonun aidiyyəti idarə və müəssisələrinin rəhbərləri iştirak ediblər. Çıxış edənlər kənddə qəzalı vəziyyətdə olan elektrik dirək və naqillərinin dəyişdirilməsinə, Sipiyəpart kənd tam orta məktəbinin və Çükəş kəndinə gedən yolun təmir edilməsinə köməklik edilməsini xahiş ediblər.
Qəzənfər Ağayev vətəndaşlar tərəfindən verilən təkliflərə münasibət bildirərək problemlərin həlli ilə əlaqədar aidiyyəti üzrə tapşırıqlarını verib.
