Astara Rayon Uşaq-Gənclər İdman-Şahmat Məktəbində Müəllimlər Gününə həsr olunmuş şahmat üzrə məktəblilər arasında rayon turniri təşkil edilib. Bu haqda məlumatı Cenublu.az bu gün, 5 oktyabr tarixində verir.
Yarışda qızlar arasında I yerə Astara şəhər 2 saylı tam orta məktəbinin şagirdi Zərifə Musayeva, II yerə Astara şəhər 1 saylı tam orta məktəbinin şagirdi Zəhra İsmayılzadə, III yerə isə Astara rayon Tüləküvan kənd tam orta məktəbinin şagirdi Nanə İsayeva, oğlanlar arasında I yerə Astara şəhər 1 saylı tam orta məktəbinin şagirdi Əli Səlimzadə, II yerə Astara rayon Kijəbə qəsəbə tam orta məktəbinin şagirdi Yusif Fətullayev, III yerə isə Astara şəhər 1 saylı tam orta məktəbinin şagirdi Ramiz Səlimzadə layiq görülüblər.
Fəxri yerləri qazanan şahmatçılara Lənkəran-Astara Regional Gənclər və İdman İdarəsinin diplomları təqdim olunub.
Turnir Lənkəran-Astara Regional Gənclər və İdman İdarəsinin Astara rayonu üzrə gənclər və idman sektorunun və Lənkəran-Astara Regional Təhsil İdarəsinin Astara rayonu üzrə təhsil sektorunun birgə təşkilatçılığı ilə baş tutub.
