Molla Pənah Vaqifin həyat və yaradıcılığına həsr olunmuş “Molla Pənah Vaqifin həyat və yaradıcılığında xalq həyatı və ölkə çoğrafiyası” mövzusunda sərgi və tədbir keçirilib. Bu haqda məlumatı Cenublu.az bu gün, 3 iyul tarixində verir.
Tədbir Astara rayon Heydər Əliyev Mərkəzində, Astara rayon Tarix-diyarşünaslıq muzeyinin, Astara rayon Mərkəzləşdirilmiş Kitabxana Sisteminin, Astara “Gənclər Evi” Sosial Xidmət müəssisəsinin, Astara Dövlət Rəsm Qaleriyasının əməkdaşlarının və “Rəssamlıq” dərnəyinin şagirdlərinin iştirakı ilə baş tutub.
Tədbirdə Azərbaycan ədəbi dilinin inkişafında Vaqifin xidmətlərindən bəhs edilib. Sonra “Mədəniyyət paytaxtımızda söz-sənət bayramı” mövzusunda film nümayiş olunmuşdur.
Daha sonra tədbir şagirdlərin mövzu ilə bağlı suallarının cavablandırılması ilə davam edib.
Yekunda tədbir iştirakçıları Astara rayon Heydər Əliyev Mərkəzinin “Elektron kitabxanası”nda saxlanılan kitablardan və “Rəssamlıq” dərnəyinin üzvlərinin əl işlərindən ibarət sərgiyə baxış keçiriblər.
