Astarada 6 nömrəli məktəbin direktoru Ülviyyə Bayramovanı bıçaqlayan şəxs saxlanılıb.
Qafqazinfo.az xəbər verir ki, cinayət əməlini törətməkdə şübhəli bilinən 64 yaşlı Halik Nəcəfov polis əməkdaşları tərəfindən tutulub.
Faktla bağlı cinayət işi başlanılıb, araşdırmalar aparılır.
Qeyd edək ki, 40 yaşlı Ü.Bayramovanı bıçaqlayan gözətçi məktəbin kargüzarı Validə Məmmədovanın həyat yoldaşıdır. Bir müddət əvvəl V.Məmmədova sosial mediada və KİV-də Ülviyyə Bayramovanı rüşvət və korrupsiyada ittiham etmişdi. Bundan sonra prokurorluq tərəfindən məktəbdə araşdırma aparılıb və iddialar təsdiqini tapmayıb. Ü.Bayramova isə məktəbin kargüzarını xüsusi ittiham qaydasında məhkəməyə verib. Məhkəmənin hökmü ilə V.Məmmədova böhtan əməlində təqsirli bilinərək cəzalandırılıb.
***
Astarada bıçaqlanma hadisəsi baş verib.
Operativ Məlumat Mərkəzi xəbər verir ki, Astara şəhər 6 nömrəli məktəbin direktoru Ülviyyə Bayramova bıçaqlanıb. Məlumata görə, ona keçmiş işçisinin həyat yoldaşı tərəfindən xəsarət yetirilib. Ağır yaralanan direktor xəstəxanaya yerləşdirilib.
Faktla bağlı araşdırma aparılır.
Qeyd edək ki, Ü.Bayramova keçmiş işçisi ilə mübahisəli olub. Onların arasında olan problem məhkəməyə kimi uzanıb. Məhkəmə prosesini Ülviyyə Bayramova qazanıb. Hadisə də məhkəmədən bir neçə gün sonra baş verib.
