Astara rayonunun Kijəbə qəsəbəsi ərazisində təmizlik aksiyası baş tutub.
Cenublu.az Astara Rayon İcra Hakimiyyətinə istinadən xəbər verir ki, aksiya Astara RİH-nin, Kijəbə qəsəbə inzibati ərazi dairəsi üzrə nümayəndəsinin, Suvarma Sistemləri İdarəsinin, Mənzil Kommunal Yaşıllaşdırma Təsərrüfatı İstehsalat birliyinin iştirakı ilə həyata keçirilib.
“Yaşıl dünya naminə həmrəylik ili" çərçivəsində keçirilən tədbirdə Lovayın su anbarının ətrafına gətirdiyi tullantılar təmizlənib. Həmçinin həmin ərazidə yerləşən su kanalı texnika vasitəsi ilə yenidən qazılıb və təmizlənib, suyun rahat axını üçün şərait yaradılıb.
