Astarada “Laçın -məğrur rayonun hekayəsi” mövzusunda sərgi və tədbir baş tutub.
Cenublu.az Heydər Əliyev Mərkəzinə istinadən xəbər verir ki, tədbirdə mərkəzin direktoru Kübra Səmədova çıxış edərək qeyd edib ki, Müzəffər Ali Baş Komandan İlham Əliyevin rəhbərlik etdiyi rəşadətli Azərbaycan Ordusunun və xalqımızın 44 günlük Vətən müharibəsində əldə etdiyi qələbə nəticəsində imzalanmış üçtərəfli bəyanata əsasən, kapitulyasiya etmiş Ermənistan dekabrın 1-də Laçın rayonunu təhvil verdi. Lakin bundan əvvəl, yəni, noyabrın 9-u Laçın rayonunun Güləbürd, Səfiyan və Türklər kəndləri Azərbaycan Silahlı Qüvvələri tərəfindən işğaldan azad edilib.
Görüş çərçivəsində “Laçın rayonunun işğalı və azad edilməsi” mövzusunda film nümayiş edilib.
Yekunda mərkəzin və Astara Dövlət Rəsm Qaleriyasının birgə təşkilatçılığı ilə “Rəssamlıq” dərnəyinin üzvlərinin əl işlərindən təşkil olunmuş sərgi təqdim olunub.
Qeyd edək ki, tədbir Astara rayon Heydər Əliyev Mərkəzində keçirilib.
