Astarada paytaxtdan gələn “BMW” sürücüsü barəsində protokol tərtib edilib. Bu haqda məlumatı Cenublu.az bu gün, 3 avqust tarixində Qaynarinfo.az-a istinadən verir.
Astara Bulvarının ərazisində 35 yaşlı A.Nemətov idarə etdiyi “BMW” markalı, 10-NU-800 dövlət qeydiyyat nişanlı avtomobili yüksək sürətlə hərəkət etdirərək, yüksək səs yayıb. Nəticədə o, RPŞ-nin Dövlət Yol Polisi Bölməsinin Yol Patrul Xidməti Bölməsinin əməkdaşları tərədindən saxlanılıb.
Müəyyən edilib ki, sürücü avtomobili normativ tələbləri pozmaqla dəyişdirilmiş səsboğucu ilə idarə edib. Bu, ətrafda olan insanlara ciddi narahatlıq yaradıb.
A.Nemətov İnzibati Xətalar Məcəlləsinin 510-cu maddəsi ilə cərimələnib və məhkəmənin qərarı ilə 3 gün müddətinə inzibati həbs edilib.
