Astarada Ümumdünya insan alverinə qarşı mübarizə günü il əlaqədar görüş baş tutub. Bu haqda məlumatı Cenublu.az bu gün, 1 avqust tarixində verir.
“İnsan alverinə qarşı mübarizə” mövzusunda tədbir Heydər Əliyev Mərkəzində keçirilib.
Görüşə Astara Gənclər Evi Sosial Xidmət müəssisəsi, Astara Dövlət Rəsm Qalerieyasının əməkdaşları və rəssamlıq dərnəyinin şagirdləri cəlb olunublar.
Tədbirdə mərkəzin direktoru Kübra Səmədova, Dövlət Rəsm Qalerieyasının direktoru Naibə Mustafayeva, Gənclər Evi Sosial Xidmət müəssisəsinin fəal gəncləri Rüstəm Sərhənçov, Aygün Əliyeva, İsmayıl Məmmədov, Pərvin Məmmədova, Əli Əsədullayev mövzu ətrafında cıxış ediblər.
Daha sonra “İnsan alveri nədir” mövzusunda film təqdim olunub.
Sonda mərkəzin elektron kitabxanasında saxlanılan kitablar və rəssamlıq dərnəyi üzvlərinin əl işlərindən ibarət sərgi təşkil edilib.
