Astara Rayon Prokurorluğuna “Maricel” restoranı adı ilə fəaliyyət göstərən “Okhatan” MMC tərəfindən işçilərin əmək hüquqlarının pozulması barədə məlumat daxil olub. Bu haqda məlumatı Cenublu.az bu gün, 31 iyul tarixində Apa.az-a istinadən verir.
Hüquqi şəxs tərəfindən əmək müqaviləsi hüquqi qüvvəyə minmədən 4 şəxsin işlərin yerinə yetirilməsinə cəlb edilməsi müəyyən edilib.
Məhkəmənin qərarı ilə hüquqi şəxs 20 min manat məbləğində inzibati cərimə edilib.
Əlavə olaraq, Cəmiyyətin direktoru Samir Əlizadə Əmək və Əhalinin Sosial Müdafiəsi Nazirlyi yanında Dövlət Əmək Müfəttişliyi Xidmətinin Lənkəran-Astara Regional Şöbəsinə göndərilib. Vəzifəli şəxs müvafiq qərarla 4 min manat məbləğində inzibati cərimə edilib.
