Astarada dənizin nəzarətsiz sularında batan 29 yaşlı Şamxal Həsənzadənin meyiti aşkar edilib.
Cenublu.az Apa.az-a istinadən xəbər verir ki, Şamxal Həsənzadə ilə bağlı bəzi təfərrüatlar məlum olub.
Əmisi İdrak Həsənovun verdiyi məlumata görə, Şamxal nişanlı olub və payızda toyu olacaqdı. "O dünən nişanlısı və qayınanasını evlərində qoyub. Sonra dostları ilə dənizə çimməyə gedib. Dostlarla birlikdə dənizdə çimərkən Şamxal suda itib. Dostları qışqıraraq onu səsləyiblər. Axtarışların nəticəsiz olduğunu görənlər aidiyyəti üzrə məlumat veriblər".
