Astarada Dövlət Sərhəd Xidmətinin yaranmasının 22-ci ildönümü ilə əlaqədar sərgi və tədbir təşkil olunub. Bu haqda məlumatı Cenublu.az bu gün, 26 iyul tarixində verir.
“Azərbaycanın dövlət sərhədləri etibarlı şəkildə qorunur” mövzusunda görüş Heydər Əliyev Mərkəzində baş tutub. Burada Tarix-diyarşünaslıq muzeyinin, rayon Mərkəzləşdirilmiş Kitabxana Sisteminin, “Gənclər Evi” Sosial Xidmət müəssisəsinin, Astara Dövlət Rəsm Qalereyasının əməkdaşları və “Rəssamlıq” dərnəyinin şagirdləri iştirak ediblər.
İştirakçılara mövzu ətrafında geniş məlumatlar verilib. Görüş şagirdlərin mövzu ilə bağlı suallarının cavablandırılması ilə davam edib.
Tədbir çərçivəsində “Sərhəddən başlayan Vətən” mövzusunda film təqdim edilib.
Yekunda Heydər Əliyev Mərkəzinin “Elektron kitabxanası”nda saxlanılan kitablardan və “Rəssamlıq” dərnəyinin üzvlərinin əl işlərindən ibarət sərgi həyata keçirilib. Sərgi mərkəzin və Dövlət Rəsm Qalereyasının birgə təşkilatçılığı ilə baş tutub.
