Astarada “Ana dili hər bir xalqın milli kimliyidir” mövzusunda sərgi və tədbir təşkil olunub. Bu haqda məlumatı Cenublu.az bu gün, 1 avqust tarixində verir.
Görüş Heydər Əliyev Mərkəzində baş tutub. Buraya Tarix-Diyarşünaslıq muzeyinin, Mərkəzləşdirilmiş Kitabxana Sisteminin, “Gənclər Evi” Sosial Xidmət müəssisəsinin, Astara Dövlət Rəsm Qalereyasının əməkdaşları və “Rəssamlıq” dərnəyinin şagirdləri qatılıblar.
Tədbirdə mərkəzin direktoru Kübra Səmədova və baş fond mühafizi Elza Kazımova mövzu ətrafında geniş məlumatlar veriblər.
Sonra “1 Avqust – Azərbaycan Əlifbası və Azərbaycan Dili günüdür” mövzusunda film təqdim olunub.
Daha sonra şagirdlərin mövzu ilə bağlı sualları cavablandırılıb.
Sonda Heydər Əliyev Mərkəzinin və Astara Dövlət Rəsm Qalereyasının birgə təşkilatçılığı ilə Mərkəzin “Elektron kitabxanası”nda saxlanılan kitabların və “Rəssamlıq” dərnəyi üzvlərinin əl işlərindən ibarət sərgi keçirilib.
