Astarada ata-oğul arasında baş verən insidentin təfərrüatları məlum olub.
Cenublu.az xəbər verir ki, oktyabrın 20-si Sığaloni kəndi ərazisində ata Ağaşir Hüseynov oğlu 33 yaşlı Tural Hüseynovu ov tüfəngi ilə güllələyib. T.Hüseynov Lənkəran Rayon Mərkəzi Xəstəxanasının təcili yardım şöbəsinə hospitalizasiya olunub. Yaralılya zəruri ilkin tibbi xidmətlər göstərilib və cərrahiyyə şöbəsinə, əməliyyat blokuna alınıb.
Zərərçəkənin vəziyyətilə bağlı həkim Muğdad Kərimov açıqlama verib: “Xəstədə qarın və bel nahiyəsində güllə yarası var idi. Xəstənin vəziyyəti ağır qiymətləndirilir”.
İlkin məlumata görə, ata və oğul arasında mübahisə sitrus meyvələri üstündə yaranıb. Ağaşir Hüseynov hadisə yerindən qaçaraq, istintaqdan yayınmağa çalışıb. Lakin cinayət əməlini törədənin şəxsiyyəti müəyyən edilib və hazırda saxlanılması istiqamətində polis əməkdaşları tərəfindən tədbirlər davam etdirilir.
Qeyd edək ki, analoji hadisə bir neçə il bundan əvvəl də baş verib. Ata sitrus bağlarına görə oğluna ov tüfəngi ilə ayaq nahiyyəsindən atəş açaraq ona xəsarət yetirib. O, bu əməlinə görə məhkumluq həyatı yaşayıb.
Faktla bağlı araşdırmalar davam etdirilir.
