Astara rayon sakini Türkiyə gəmiçilik şirkətlərindən birinə məxsus olan yük gəmisi ilə getdiyi Birləşmiş Ərəb Əmirliklərinin Dubay şəhərində polis tərəfindən saxlanılıb. Bu haqda məlumatı Cenublu.az bu gün, 5 oktyabr tarixində Xezerxeber.az-a istinadən verir.
Astara rayonunun Şiyəkəran kənd sakini, 21 yaşlı Elçin Nəcəfov gəmidə işləmək üçün cari ilin iyul ayında Türkiyədə fəaliyyət göstərən gəmiçilik şirkətinə işə düzəlib. O, sonucu dəfə 19 avqust tarixində valideynlərinə BƏƏ-də olduğunu və hər şeyin yaxşı olduğunu bildirib. O gündən sonra Elçin heç kəslə əlaqə saxlamayıb.
Elçinlə bərabər olan digər 3 nəfərdən də xəbər yoxdur. Xəbərsiz qalan ailələr şirkətin rəhbərliyi ilə əlaqə saxlasalar da, tutarlı cavab ala bilməyiblər. Onlar bu hadisə ilə bağlı müvafiq dövlət qurumlarına müraciət ediblər.
Qeyd edək ki, Elçin Nəcəfov 44 günlük Vətən müharibəsinin iştirakçısı olub.
