Astara Pedaqoji Kolleci Azərbaycan kollecləri arasında bir ilkə imza ataraq tələbələrə kollokvium vaxtlarını şəxsi kabinetləri vasitəsilə sərbəst seçmək imkanı təqdim edir.
Cenublu.az xəbər verir ki, bu yenilik tələbələrə akademik planlamada daha çevik və müstəqil qərar verməyə şərait yaradır. Sistem tələbələrin fərdi tədris qrafikini daha rahat tənzimləməsinə, imtahan prosesinin şəffaflığının və effektivliyinin artırılmasına töhfə verir.
Bununla yanaşı, Astara Pedaqoji Kolleci region kollecləri arasında tələbələrə şəxsi kabinet funksionallığını təqdim edən ilk təhsil müəssisəsi olmuşdur. Bu addım rəqəmsal texnologiyaların təhsilə inteqrasiyasını gücləndirərək, tələbə məmnuniyyətini və tədris keyfiyyətini artırmağa yönəlib.
