Astara Gömrük İdarəsində xarici ticarət iştirakçıları ilə növbəti görüş keçirilib. Bu haqda məlumatı Cenublu.az bu gün, 29 iyun tarixində verir.
Görüş gömrük-biznes münasibətlərinin gücləndirilməsi, gömrük sistemində tətbiq edilən yeniliklər barədə biznes nümayəndələrinin məlumatlandırılmaları, gömrük rəsmiləşdirilməsi zamanı qarşıya çıxan məsələlərin operativ qaydada həll edilməsi məqsədilə təşkil edilib.
Görüşdə iyun ayından etibarən tətbiqinə başlanan “ÖZÜNET” layihəsi barədə təqdimat nümayiş etdirilib, elektron həllərə əsaslanan layihənin faydaları barədə məlumat verilib.
Sonda sahibkarların təklif və rəyləri dinlənilib, onları maraqlandıran suallar ətraflı cavablandırılıb.
