Qida Təhlükəsizliyi Agentliyinin əməkdaşları Lənkəran və Masallı rayonlarında yerləşən heyvan kəsimi və ət satışı məntəqələrində monitorinq keçiriblər. Bu haqda məlumatı Cenublu.az bu gün, 30 iyul tarixində verir.
Yoxlamalar zamanı bir sıra məntəqələrdə nöqsanlar aşkar olunub. Nəticədə Lənkəran rayonunun Səpnəkəran kəndində yerləşən iki obyekt və Masallı rayonunun Boradigah qəsəbəsində fəaliyyət göstərən bir obyekt cərimələnib.
Məntəqələrin sahibləri Asim Babayev, Arzu Xəlilov və Rabil İbrahimovun barələrində inzibati xəta haqqında protokol tərtib edilib.
