Azərbaycan Qida Təhlükəsizliyi Agentliyinin (AQTA) əməkdaşları Astara şəhəri, M.Rəhimov küçəsində yerləşən "Köhnə Qala" kafesində yoxlama aparıblar.
Cenublu.az AQTA-ya istinadən xəbər verir ki, monitorinq zamanı qida obyektində sanitar-gigiyenik tələblərə əməl olunmadığı, işçi heyətin tibbi müayinədən keçmədiyi, döşəmə, tavan və divar səthlərinin təmirsiz olduğu, müvafiq təmizlik işlərinin aparılmadığı, pəncərələrin qoruyucu tor örtüklə təmin edilmədiyi, qida məhsulları ilə təmasda olan səthlərin hamar, yuyula bilən və korroziyaya davamlı materialla üzlənmədiyi, mexaniki havalandırma sisteminin mövcud olmadığı, tullantılar üçün ağzı kip, qoxu yaymayan qabların təmin edilmədiyi aşkarlanıb.
Faktla bağlı qanunvericiliyə uyğun olaraq sahibkar Azər Həbibov barəsində inzibati protokol tərtib edilib. Kafenin fəaliyyəti məhdudlaşdırılıb.
