Kənd Təsərrüfatı Nazirliyinin tabeliyində olan "Aqroservis" Açıq Səhmdar Cəmiyyətinin (ASC) regional bölmələrində yoxlamalar aparılıb.
Qaynarinfo.az xəbər verir ki, aparılan yoxlamalar nəticəsində "Aqroservis" ASC-nin Cəlilabad regional nümayəndəliyində ciddi pozuntular aşkarlanıb. Nəticədə "Aqroservis" ASC-nin Lənkəran-Lerik-Astara rayon bölməsinin direktoru Rahim Rzayev vəzifəsindən azad edilib.
Rahim Rzayev bir müddət əvvəl saxlanılaraq barəsində cinayət işi açılıb və həbs edilib.
"Aqroservis" ASC-nin Lənkəran-Lerik-Astara rayon bölməsinin direktoru vəzifəsinə Zaur Muradov Ağaşirin oğlu təyin olunub.
