Cəlilabaddan olan Vətən müharibəsi şəhidi Tərlan Quliyevin ailəsi ziyarət edilib.
2020-ci il sentyabrın 27-də başlayan Vətən müharibəsi zamanı Tərlan Quliyev Füzuli, Murov, Kəlbəcər, Hadrut, Xocavənd istiqamətlərindəki döyüşlərdə igidliyi və qorxmazlığı ilə fərqlənib. Oktyabrın 17-də ağır döyüşlərin birində qəhrəmancasına şəhidlik zirvəsinə ucalıb.
Şəhidin anası Fəxrəndə Quliyeva Baku TV-yə oğlunun yarım qalan xəyallarından danışıb:
"İstədiyi qız var idi. Koronavirus pandemiyası zamanı yollar bağlı olduğu üçün elçi gedə bilmədik. Aldığı üzüyü taxmaq qismət olmadı".
Şəhidin qohumu Tacəddin Quliyevin sözlərinə görə, sevdiyi qız hər həftə Tərlanın məzarını ziyarət edir.
