Daha öncə xəbər verdiyimiz kimi, Xalq artisti Ağadadaş Ağayevin gözətçiyə tərəf atdığı balta klinikada xadimə işləyən Nəzakət Paşayevanın ayağına xəsarət yetirib.
Nəzakət Paşayevanın səhhəti ilə bağlı son durumu öyrənmək məqsədilə həmin klinika ilə əlaqə saxlanılıb. Klinikanın hüquqşünası Xeyransa Babayeva bildirib ki, N. Paşayeva evində müalicə alır: “Səhhəti normaldır. Həkimlərin dediyinə görə, onun səhhəti 1 həftə ərzində normala dönməlidir. Ayağından xəsarət aldığı üçün yeriməsində çətinlik yaşayır, axsayır. Xəstəxanada deyil, müalicəsi ev şəraitində davam etdirilir. Aldığı xəsarət ağır deyil”.
Hüquqşünas Nəzakət Paşayevanın təzminat davası aça biləcəyi ehtimalına da aydınlıq gətirib: “İndi təzminat iddiası ilə bağlı nəsə demək tezdir. Bu mövzu rəhbərlik səviyyəsində müzakirə edilməlidir. Yalnız bundan sonra dəqiq nəsə demək olar”.
