Astarada 77 yaşlı tibb bacısı Zeynəb Məmmədovanı qətlə yetirənlərin məhkəmə prosesi başa çatıb.
Cənublu.az Qafqazinfo-ya istinadən xəbər verir ki, Lənkəran Ağır Cinayətlər Məhkəməsi 41 yaşlı Məmmədov Elmir Ətrafil oğlunu 13 il, əvvəllər məhkum olunmuş 38 yaşlı Əkbərov Vüsal Zaid oğlunu 18 il 6 ay, və Şəmkir rayon sakini, əvvəllər məhkum olunmuş 41 yaşlı Süleymanov Bəhruz Rəşid oğlunu 12 il müddətinə azadlıqdan məhrum edib.
Qeyd edək ki, Cinayət hadisəsi ötən ilin noyabrın 10-da baş verib. Cinayətkar qrup Zeynəb Məmmədovanın evinə basqın edib, yaşlı qadının əl-qolunu, ağız və burnunu yapışqan lentlə bağlayıb. Evlərindən 475 manat pul, qızıl üzüklər və 466 manat dəyərində qızıl sırğa aparıblar.
Qrup üzvləri hadisə yerindən uzaqlaşdıqdan sonra Zeynəb Məmmədovanın tənəffüs yollarının yapışqan lentlə bağlı qalması və ona yetirilən xəsarətlər nəticəsində qadın ölüb. Zeynəb Məmmədova evdə tək yaşayırmış.
