77 saylı Lənkəran şəhər Dairə Seçki Komissiyası ADA Universitetinin prorektoru Fariz İsmayılzadənin deputatlığa namizədliyini təsdiq edib. Bu haqda məlumatı Cenublu.az bu gün, 27 iyul tarixində verir.
Fariz İsmayılzadə 2000-2002-ci illərdə ABŞ-nin dünyaca tanınmış Vaşinqton Universitetində magistr təhsili alıb. O, 2013-2015-ci illərdə İspaniyanın Madrid şəhərində yerləşən Beynəlxalq Biznes Məktəbində Qlobal Menecment ixtisası üzrə magistr təhsilini alıb. Hollandiyanın nüfuzlu Maastrix Menecment Məktəbinin Beynəlxalq Biznes ixtisası üzrə doktorantıdır.
F.İsmayılzadə 2016-ci ildə Dövlət İmtahan Mərkəzinin Direktorlar Şurasının üzvü təyin edilib. Fariz İsmayılzadə son olaraq, ADA Universitetinin dövlət, xarici və tələbə işləri üzrə prorektoru vəzifəsində çalışıb.
