Lənkəranda yol-nəqliyyat hadisəsi baş verib.
Cenublu.az xəbər verir ki, qəza gecə saatlarında Lənkəran şəhərinin Heydər Əliyev prospektində qeydə alınıb. Lənkəran sakini, 29 yaşlı Zahid Abbaszadə idarə etdiyi “Toyota Prius” markalı avtomobilin idarəetməsini itirərək əvvəlcə qaz borusuna, daha sonra isə yol kənarında park edilmiş, Bakı sakini Fikrət Əhədova məxsus “Mercedes-Benz” markalı avtomobilə çırpılıb. Zərbənin təsirindən “Mercedes” markalı nəqliyyat vasitəsi ciddi ziyan görüb.
Qəza nəticəsində sürücü və onun sərnişini - qardaşı, 29 yaşlı Rahib Abbaszadə xəsarət alıblar. Yaralılar Təcili Tibbi Yardım avtomobili ilə Lənkəran Rayon Mərkəzi Xəstəxanasına çatdırılaraq ilkin tibbi yardım aldıqdan sonra xəstəxananın müvafiq şöbəsinə yerləşdiriliblər.
Faktla bağlı araşdırma aparılır.
