Lənkəran şəhərinin mərkəzində dağılmış yol həm sürücülərə, həm də piyadalara narahatlıq yaradır. Bununla bağlı bu gün, 11 avqust tarixində sakinlər Cenublu.az-a müraciət ediblər.
Sözügedən yol problemi Hacı Zeynalabdin Tağıyev küçəsində qeydə alınıb. “Fədək” marketin arxasında yaxşı vəziyyətdə olan yolda çuxurlar əmələ qəlib. Sakinlər bildirir ki, yolun bir tərəfi yararsız hala düşdüyündən sürücülər yolun əks istiqamətinə çıxırlar. Bu da piyadalara çətinlik yaradır, çünki yol darlaşır və avtomobillər piyadaların istifadə etdiyi yola yaxın sürürlər.
Sakinlər köhnə su anbarının yanında yaranmış problemin tez bir zamanda həll olunacağına ümid edirlər.
