Aprelin 6-sı saat 09:00-a olan faktiki hava açıqlanıb.
Cenublu.az xəbər verir ki, Milli Hidrometeorologiya Xidmətindən verilən məlumata görə, ölkə ərazisində qeyri-sabit hava şəraiti davam edir, bəzi yerlərdə intensiv və güclü yağış, dağlıq ərazilərdə isə qar yağır.
Azərbaycanın rayonlarında düşən yağıntının miqdarı: Lerikdə 10 mm, Neftçalada 8 mm, Biləsuvar və Astarada 4 mm, Yardımlıda 3 mm, İmişli, Sabirabad və Salyanda isə 1 mm təşkil edib.
Müşahidə olunan qeyri-sabit hava şəraitinin ölkə ərazisində aprelin 7-si axşamadək davam edəcəyi gözlənilir.
