Gömrük əməkdaşları tərəfindən külli miqdarda narkotik vasitə qanunsuz dövriyyədən çıxarılıb.
Cenublu.az xəbər verir ki, Astara Gömrük İdarəsinin əməkdaşlarının həyata keçirdiyi tədbirlər nəticəsində "Cənub-Astara" gömrük postunda "kivi" yükü aparan nəqliyyat vasitəsinə baxış keçirilib. Nəqliyyat vasitəsi stasionar rentgen qurğusu və kinoloji xidmət itinin köməyi ilə yoxlanılıb.
Yoxlama zamanı yükün içərisindən xüsusi üsullarla qablaşdırılaraq gizlədilən, ümumi təmiz çəkisi 63 kiloqram 790 qram olan xüsusilə külli miqdarda narkotik vasitə – marixuana aşkar edilib.
Faktla bağlı araşdırma aparılır.
