Azərbaycan tərəfindən İrana növbəti humanitar yardım karvanı yola salınıb.
Cenublu.az xəbər verir ki, yük avtomobilləri Cənub Astara Dövlət Sərhədindən Buraxılış Məntəqəsinə çataraq müvafiq gömrük prosedurlarından keçib. Bundan sonra yardım karvanının İran istiqamətində hərəkəti təmin olunub.
Bu addım İlham Əliyev ilə Məsud Pezeşkian arasında keçirilmiş telefon danışığının nəticəsi olaraq, qonşu və dost İran xalqının mövcud ehtiyaclarının qarşılanması məqsədilə həyata keçirilib.
Məlumata görə, ümumi çəkisi 200 ton olan humanitar yardımın tərkibinə 190 ton ərzaq və qida məhsulları, 7 ton dərman vasitələri və 3 ton tibbi ləvazimat daxildir.
Qeyd edək ki, yardım karvanı Azərbaycan Prezidentinin tapşırığına əsasən, Cənub Astara Dövlət Sərhədindən Buraxılış Məntəqəsi vasitəsilə İrana göndərilib.
